რას ნიშნავს სუნამოს ტესტერი - ზუსტად ასეთ ფორმაში დასმულ კითხვას წავაწყდი ამასწინათ Google-ს საძიებელში. კითხვა დასმული იყო - პასუხი კი, - "არსაიდან ხმა, არსით ძახილი". როგორც გამოუსწორებელმა პარფიუმომანმა, ამ კითხვას გვერდი ვერ ავუარე, ისე, რომ ეს პოსტი არ გამომეცხო. აბა დავიძრათ და გავიგოთ, რა დილემის წინაშე დგას ჩვენი პარფიუმერული ძმა. ხოლო ვინც ამ სტატიას ბოლომდე გაუძლებს და კომენტარებშიც აქტიურ მონაწილეობას მიიღებს, საუკეთესო კომენტატორი ჩემგან მიიღებს ექსკლუზიური სუნამოს ან კოსმეტიკის მინიატურას საჩუქრად. 

sunamoebis-t'est'erebi-surati

სურათზე: ორიგინალი სუნამოს სადემონსტარციო ტესტერი

მაღაზიებში შეგიძლიათ იხილოთ ცნობილი სუნამოები წარწერით "Tester". ამ ტიპის არომატი 30-40% -ით უფრო იაფია, ვიდრე სუნამო ორიგინალ შეფუთვაში. თუ ყურადღებაში მივიღებთ იმ ფაქტს, რომ ბრენდული ორიგინალი პარფიუმერია ბევრად უფრო ძვირად იყიდება საფირმო მაღაზიებში, სუნამოს ბევრ მოყვარულს აქვს ცდუნება, შეიძინოს ეგრეთ წოდებული ორიგინალი ტესტერი.

თქვენც გაქვთ ასეთი ცდუნება? თუ, კი, ეს ნორმალურია. მაგრამ მოდით, არ ვიჩქაროთ საფულეს დაძრობა ჯიბიდან.

ჯერ გავიგოთ, რა იგულისხმება შეკითხვაში - რას ნიშნავს სუნამოს ტესტერი და რით განსხვავდება სუნამოების ტესტერი ორიგინალი პროდუქტისგან.

originali-testerebi-surati

რა დანიშნულება აქვს ტესტერს:

არომატის ტესტერი არის სადემონსტრაციო პროდუქტი მაღაზიის თაროზე, რომელსაც პარფიუმერიის მწარმოებელი იყენებს , როგორც სარეკლამო ინსტრუმენტს, რათა პოტენციურმა მომხმარებელმა შეძლოს გაეცნოს არომატს მის შეძენამდე. ტესტერი თავისუფლად დევს ვიტრინაზე და მომხმარებელს შეუძლია დატესტოს ის.

ტესტერი, რომელსაც მწარმოებელი პროდუქციის ძირითად შეკვეთასთან აძლევს თავის ოფიციალურ დილერს, შემადგენლობით, სუნამოს სტრუქტურით, ომპოზიციით ან მდგრადობით არაფრით არ განსხვავდება კლასიკურად შეფუთული მზა ნაწარმისგან. ამ ორ პროდუქტს მხოლოდ უმნიშვნელო დეტალი განასხვავებს: განსხვავებები მხოლოდ შეფუთვაშია. თუ გსურთ მეტი გაიგოთ მდგრადობაზე, იხილეთ სტატია "სუნამოს მდგრადობა - რა განაპირობებს მას"?

ტესტერის სუნამო ეს არის - უბრალო კოლოფი ცელოფნის გარეშე და ჩვეულებრივ, თეთრ ან ნაცრისფერ მუყაოს ფუტლარში დევს. როგორც წესი, ზედ მხოლოდ სუნამოს და ბრენდის სახელწოდება, მისი შემადგენლობა და პარტიის ნომერი  აწერია.

ასევე, თავად ფლაკონს პულველიზატორის (სპრეის) პომპაზე წამოცმული აქვს პლასტმასის ხუფი და არა ორიგანულური თავსახური. ასეთ ფლაკონზე ხშირად ნახავთ წარწერას - Not for sale (არა გაყიდვისთვის). თავად ფლაკონი არც დიზაინის ფორმით და არც არომატის სურნელით არანაირად არ განსხვავდება გასაყიდი ნიმუშისგან.

sunamos-t'est'eri-surati

სურათზე: წარწერა სუნამოს ტესტერის შეფუთვაზე - Tester - Not for sale

როგორც ვნახეთ, ტესტერსა და ორიგინალ პროდუქტს შორის სულ მცირე, უმნიშვნელო სხვაობაა. მაშასადამე, შეგვიძლია ტესტერის ყიდვა უპრობლემოდ? ჯერ კიდევ ნუ იჩქარებთ.

მოდით, პირდაპირ გეტყვით: ორიგინალური წარმოების სუნამოს ტესტერები არცერთი ცივილიზებული ქვეყანის მაღაზიებში არ არის თავისუფალ გაყიდვაში. რატომ? პირველ რიგში, ტესტერები იწარმოება შეზღუდული რაოდენობით და მწარმოებელი მას აძლევს მხოლოდ მის ოფიციალურ და ექსკლუზიურ წარმომადგენელს ამა თუ იმ ქვეყანაში. ყოველი ახალი პარტიის შეძენისას, მწარმოებელი დილერს აძლევს მხოლოდ საჭირო რაოდენობის ტესტერებს, რომლებიც გამოყენებული იქნება ბრენდულ მაღაზიაში სუნამოს უფასო პრეზენტაციისთვის.

kalbatonebi-sinjaven-sunamos-surati

სურათზე: ქალბატონები სუნამოს დეგუსტაციაზე

მაღაზიამ ტესტერის გაყიდვა რომ დაიწყოს უთავბოლოდ, მათ მალე არაფერი ექნებათ, რა გაასინჯონ კლიენტს. ეს კი შეაფერხებს სუნამოს ძირითადი პარტიის გაყიდვებს. და რაც მნიშვნელოვანია, მწარმოებელი უკრძალავს დილერს ტესტერების გაყიდვას. ასეთი ქმედებისთვის ის დაჯარიმდება სოლიდური თანხებით და შესაძლოა, სულაც შეუჩერდეს დილერობის უფლება.

თუ პარფიუმერიის ტესტერების საკითხი ასე სერიოზულად დგას, მაშ რას გვთავაზობენ საბითუმო მაღაზიები და საწყობები, ასევე, მრავალრიცხოვანი ინტერნეტ მაღაზიები? ამას დიდი მიხვედრა არ უნდა. ეს არის კონტრაფაქტი. საუკეთესო შემთხვევაში, ეს იქნება დუბაის ან თურქეთის წარმოება.

ყველაზე უარესი სცენარით კი, თქვენ მიიღებთ იაფ ჩინურ ფეიკს, რომელიც ახლოსაც არ მოდის თქვენ საყვარელ სუნამოსთან, რომ აღარაფერი ვთქვათ, იმაზე, რომ ეს სუნამო პოტენციურად საშიშია თქვენი ჯანმრთელობისთვის. არავითარ შემთხვევაში არ დაისხათ ასეთი სუნამო და მით უმეტეს, კატეგორიულად არ გირჩევთ დაასხათ ის თქვენს პატარებს!

yalbi-sunamos-amocnoba-surati

როგორ ხედავთ, ორიგინალი სუნამოების ტესტერები, როგორც ამას აფიშირებს ბევრი გამყიდველი, უბრალოდ არ არსებობს თავისუფალ გაყიდვაში. დანარჩენი თქვენი გადასაწყვეტია. თუმცა ეს არ ნიშნავს, რომ არ არსებობს კარგი ალტერნატივა. პარფიუმერიის მსოფლიო ბაზარი ძალიან შეიცვალა ბოლო 15 წლის განმავლობაში და გამოჩნდა არაერთი საინტერესო ალტერნატივა, რომლებმაც უკვე ჩაანაცვლეს სუნამოების ტესტერები. ამ მიმართულებას პარფიუმერების ენაზე ეწოდება:  ბრენდების რიმეიკი, არომატის ფილოსოფია ან  სუნამოების რიმეიკი.  რა მიმართულებაა სუნამოების რიმეიკი, რა პრაქტიკული ღირებულება აქვს მას მომხმარებლისთვის, ამ ყველაფერს დაწვრილებით გავეცნობით სულ მალე ახალ პოსტში. შესაძლოა, სანამ თქვენ ეს სტატია იპოვეთ გუგლში, მე უკვე მოვასწარი მისი გამოქვეყნება :) ამის გარდა, იქ ვაპირებ სახალისო პარფიუმერული ვიქტორინის ჩატარებას და პარფიუმერიის  თემატიკის საუკეთესო მცოდნეებს პრიზები გელოდებათ.

ყურადღება! ახლა კი დაპირებული აქცია!

ანტიასაკობრივი შრატი

როგორც სტატიის დასაწყისში შეგპირდით, საუკეთესო კომენტატორი ჩემგან ღებულობს ექსკლუზიური სუნამოს ან კოსმეტიკის მინიატურას საჩუქრად. აქ მოცემული სურათი მაგალითისთვის არის - ვინაიდან ზოგიერთი პროდუქტი უეცრად შეიძლება გაიყიდოს, არ იფიქროთ, რომ საჩუქარი ზუსტად ამ დიზაინის იქნება ან ასეთივე წარწერით. ჩვენს კოლექციაში 150-ზე მეტი ლამაზი სუნამოა და 300-ზე მეტი კოსმეტიკური საშუალება, ამიტომ საუკეთესოს გაგიგზავნით.

საუკეთესო სურვილებით, პოსტის ავტორი მალხაზ ტაბაღუა