ჰერცოგინიას საყვარელი თაიგული: იმპერიული გლამურიდან საბჭოთა სიმბოლომდე
სუნამო „წითელი მოსკოვი“ (Красная Москва) არა მხოლოდ ერთ-ერთი ყველაზე ცნობილი სუნამოა საბჭოთა კავშირში, არამედ იგი წარმოადგენს პარფიუმერული ხელოვნების ნამდვილ შედევრს, რომელიც საუკუნეზე მეტი ხნის ისტორიას მოიცავს. მისი უნიკალური სურნელი და ისტორიული მნიშვნელობა სუნამოს ნამდვილ ლეგენდად აქცევს. თუმცა, ცოტამ თუ იცის მისი თავდაპირველი სახელწოდება, და რატომ დაერქვა მას სხვა სახელი რევოლუციის შემდეგ. მოდით, ჩავუღრმავდეთ ისტორიას!
წარმოშობა და ისტორიული კონტექსტი
სუნამო „წითელი მოსკოვი“ პირველად შეიქმნა 1913 წელს პარფიუმერ, ავგუსტ მიშელის მიერ. ის განკუთვნილი იყო რუსეთის იმპერატრიცა მარია ფედოროვნასთვის, რომელიც ნიკოლოზ II-ის დედა იყო. ეს სურნელი შეიქმნა რევოლუციამდე, ჯერ კიდევ მაშინ, როცა რუსეთი იყო მონარქიის ქვეშ. თუმცა, 1917 წლის ოქტომბრის რევოლუციის შემდეგ, ყველაფერი შეიცვალა.
ანრი ბროკარი (მარცხნივ), და მიშელ ავგუსტი.
ისტორიული ფაქტების მიხედვით, ჰენრი (ან ანრი) ბროკარს ფრანგული ფესვები აქვს. ის დაიბადა საფრანგეთში, მდიდარი ბიზნესმენის ოჯახში, რომელიც ფლობდა პარფიუმერიის და კოსმეტიკის წარმოებას და მაღაზიას. ახალგაზრდობაში ანრიმ პარფიუმერიისადმი ნიჭი გამოავლინა. ის დახვეწილად გრძნობდა სურნელებს და ადვილად გამოარჩევდა მათ ნებისმიერ კომბინაციას.
ბიზნესი ოჯახური საქმე იყო და საფრანგეთში ყველაფერი თავიდან კარგად მიდიოდა, მაგრამ დროთა განმავლობაში უზარმაზარმა კონკურენციამ თავისი შედეგი გამოიღო. სესხებისგან გაქცეული ოჯახი საცხოვრებლად ამერიკაში გადავიდა, მაგრამ რამდენიმე წლის შემდეგ ისინი იძულებულნი გახდნენ სამშობლოში დაბრუნებულიყვნენ. ოჯახის თავი დეპრესიაში ჩავარდა და სმა დაიწყო, მაგრამ ძმებმა დანებება არ ისურვეს. ანრი რუსეთში სამუშაოდ მიიწვია მისი მეგობრის მამამ, პარფიუმერმა გიკმა.
რუსეთმა უსიამოვნო შეგრძნებები გამოიწვია ახალგაზრდაში პარფიუმერში. როგორც დახვეწილი ყნოსვის მქონე ადამიანი, ის ოდნავ შოკირებული იყო მის გარშემო არსებული მძაფრი სუნით, ჭუჭყითა და სიღარიბით. თუმცა, ანრიმ მაინც გადაწყვიტა აქ დარჩენა გამოცდილების მისაღებად. გარდა ამისა, რუსეთი მაშინ იყო და პერსპექტიული ბაზარი.
ჰენრის არ მოსწონდა ახალი ქვეყანა. „რუსეთის დატოვებისას, თქვენ განიცდით ჭუჭყიანი პერანგის გახდისა და სუფთა პერანგის ჩაცმის შეგრძნებას“, – წერდა ის. თუმცა, მოსკოვში მას აკავებდა ბელგიელი ვაჭრის ქალიშვილის, შარლოტა რავეს სიყვარული. ამბობენ, რომ ახალგაზრდა შარლოტა შეყვარებული იყო ერთ ცნობილ მომღერალზე.
თუმცა, ბროკარმა ლამაზმანის გულის მოგების იმედი არ დაკარგა. შემდეგ მან ბრწყინვალე გეგმა მოიფიქრა. საყვარელ ადამიანს საკუთარი ხელით ცვილის იისფერი კალათა გაუკეთა, სასიამოვნო, მაგრამ კონცენტრირებულ სუნამოში გაჟღენთილი. მან სთხოვა, რომ საჩუქარი არ წაეღო ჯერ, არამედ კალათა ფორტეპიანოზე დაედო.
ამ დღეს პარფიუმერის კონკურენტს უნდა ემღერა. თუმცა, როდესაც მან პირველი ნოტები აიღო, ზღაპრული ვოკალის ნაცვლად, პუბლიკას კნავილისმაგვარი ხმები მოესმა. სუნამოს მძაფრმა სუნმა უარყოფითად იმოქმედა მომღერლის ხმის იოგებზე, და ეს ანრიმ კარგად იცოდა. მან და შარლოტამ დაიწყეს ურთიერთობა და 1862 წლის სექტემბერში დაქორწინდნენ. სულ მალე ცნობილი გახდა, რომ ახალგაზრდა ცოლი ორსულად იყო.
ანრი ბროკარი და მისი ცოლი შარლოტა რავე ახალგაზრდობაში და ხანდაზმულობისას.
საჭირო იყო წინსვლა და თანდათანობით არა მხოლოდ საზოგადოების დაბალი ფენების დაპყრობა, არამედ მდიდარი ადამიანებისაც. ძალიან სწრაფად, მოსახლეობის სხვადასხვა სეგმენტმა დააფასა ბროკარის ახალი საპონი. 1866 წელს ქარხანა გაფართოვდა. ახლა ეს იყო კომერციული და სამრეწველო საწარმო, რომელშიც 30 მუშა იყო.
Brocard-ის წარმატების მიუხედავად, შეძლებული ხალხი მაინც ფრანგულ პარფიუმერიას ამჯობინებდა, მხოლოდ ფრანგული პარფიუმერია იყო ასოცირებული ნამდვილ ფუფუნებასთან. “თვით პარიზიდან” სუნამოებისადმი აღფრთოვანების დასაძლევად შარლოტამ ეშმაკურ ხერხს მიმართა. მან ბროკარის სუნამოები ჩამოასხა ფრანგული ბრენდის ლუბინის ფლაკონებში და ლუბინის სუნამოები, შესაბამისად, ბროკარის ბოთლებში.
მან ეს მოწმეების თანდასწრებით გააკეთა. მომხმარებლებმა ფაქტობრივად შეიძინეს თავიანთი საყვარელი “ლუბინის” სუნამო, ოღონდ ბროკარის ბოთლში, მისივე ეტიკეტით, და ვერ შეძლეს თავიანთი ფავორიტი ბრენდის არომატის ამოცნობა. ხოლო “ლუბინის ბოთლში მოთავსებული ბროკარის სუნამო მოეწონათ, რადგან ეგონათ, რომ საყვარელ სუნამოს ყდულობდნენ.” ბროკარმა სახალხოდ ანახა ყველას, როგორ შეიძლება მოქმედებდეს ადამიანებზე წინასწარაკვიატებული აზრი და სტერეოტიპი.
ანრი ბროკარი იყო პიარის ოსტატი. 1882 წლის სამხატვრო და სამრეწველო გამოფენაზე მისმა კომპანიამ ნამდვილი შადრევანი აღჭურვა. შადრევნიდან „ყვავილოვანი ოდეკოლნი“ ჩქეფდა და მისი შესხურება ნებისმიერს შეეძლო. უამრავი ვიზიტორი იხდიდა ქურთუკს, და აწობდნენ მას შადრევნის თასში, წურავდნენ ქურთუკს და ისევ იცვამდნენ. ქალები ქუდებს დებდნენ არომატულ შადრევანში. ვიღაცეებს სახლში მიჰქონდათ ოდეკოლონი ბოთლებში და ქილებში. ბროკარი არ უშლიდა მათ და რამდენიმე დღე მოსკოვის მაცხოვრებლების ნახევარს ახალი ოდეკოლონის სურნელი ასდიოდა. ბუნებრივია, ეს არომატი მაშინვე გახდა მოდური.
საჩუქარი იმპერატრიცა მარიას
ანრი ბროკარი ოცნებობდა არა მხოლოდ საპნის შექმნაზე. მან ეს ყველაფერი დაიწყო შემდგომი გეგმებისთვის ფულის შესაგროვებლად. მას სურდა შეექმნა ახალი სუნამოები მისი საიმპერატორო უდიდებულესობისთვის. ასეთი შანსი პარფიუმერს 1873 წელს ჰქონდა. ედინბურგის ჰერცოგინია, პრინცესა მარია ალექსანდრეს ასული ქალიშვილთან ერთად მოსკოვში ჩავიდა. კრემლის სასახლეში დაინიშნა მიღება, რომელზეც პარფიუმერიც იყო მიწვეული.
მან გადაწყვიტა შეესრულებინა თავისი ძველი ილეთი, როდესაც სურდა საყვარელი შარლოტას გულის მოგება. ბროკარმა ჰერცოგინიას ცვილის ყვავილების კალათა გადასცა, სუნამოს სასიამოვნო სუნით გაჯერებული. საინტერესოა, რომ იყო არა მხოლოდ ია, არამედ ხეობის შროშანები, ნარცისები და ვარდები. თითოეული მათგანი ასხივებდა თავის ბუნებრივ არომატს. მარია გაკვირვებული და სასიამოვნოდ გაოცებული იყო, ისევე როგორც ყველა დამსწრე ამ მიღებაზე.
პარფიუმერის გაანგარიშება პირდაპირ ათიანში მოხვდა. მალე საიმპერატორო სასახლიდან სასიხარულო ცნობა მოვიდა. ნათქვამია, რომ იმპერატორმა ანრის ამიერიდან ნებართვა მისცა დიდი ჰერცოგინია მარია ალექსანდროვნასთვის სუნამოების მომწოდებელი ყოფილიყო.
უდავო წარმატება და ცნობილი სახელი
ბროკარის კომპანიისთვის ბიზნესის განვითარების ახალი ეტაპი დაიწყო. მისი მაღაზიებისა და პროდუქტების პოპულარობა ძალიან დიდი იყო. პარფიუმერი აწარმოებდა არა მხოლოდ სხვადასხვა სახის საპონს, არამედ პარფიუმერიას, კოსმეტიკას და მსგავს. გარდაიცვალა 1900 წელს. ხოლო 1917 წლის ოქტომბრის რევოლუციის დადგომასთან ერთად ქარხანა ნაციონალიზებულ იქნა და სახელწოდება „ახალი გარიჟრაჟით“ შეიცვალა.
ექიმების რეკომენდაციით ჰენრი ბროკარი გაემგზავრა კანში, სადაც გარდაიცვალა 1900 წლის დეკემბერში. ქარხანა გადავიდა ბროკარის ქვრივ შარლოტაზე. 1913 წელს, რომანოვების სახლის 300 წლის იუბილეს საპატივცემულოდ, ანრის თანამებრძოლმა ავგუსტ მიშელმა გამოუშვა მშვენიერი სუნამო “იმპერატრიცას საყვარელი ბუკეტი” სპეციალურად იმპერატრიცა ალექსანდრა ფეოდოროვნასთვის. ამბობენ, რომ ბროკარის „იმპერატრიცას საყვარელი თაიგული“ აიღეს “წითელი მოსკოვის” საფუძვლად, მას მხოლოდ ალდეჰიდები დაუმატეს.
დიახ, დიახ, იგივე ალდეჰიდები არის სინთეზური კომპონენტები, რამაც შანელი No5 გახადა ცნობილი და შანელის სუნამოების გამოშვებამდე ჯერ კიდევ რამდენიმე წელი იყო დარჩენილი… გავრცელდა ჭორები, რომ ერნესტ ბო, რომელიც მუშაობდა მოსკოვში რალეს ფირმაში. ერნესტ ბო შანელის No5-ის შექმნისას შთაგონებული იყო იმპერატრიცას საყვარელი ბუკეტით.
„წითელი მოსკოვის“ მემკვიდრეობა და თანამედროვეობა
საბჭოთა კავშირის დაშლის შემდეგაც, „წითელი მოსკოვი“ არ დაუკარგავს თავის პოპულარობა მომხარებლების გარკვეულ ნაწილში. იგი დარჩა ერთ-ერთ ყველაზე ცნობილ და აღიარებულ სუნამოდ პოსტსაბჭოთა ქვეყნებში და სხვა რეგიონებში. დღესდღეობითაც, იგი ინარჩუნებს თავის უნიკალურობას და განსაკუთრებულ სურნელს.
„წითელი მოსკოვი“ არის სუნამო, რომელიც შთაბეჭდილებას ტოვებს თავისი მდიდარი ისტორიით და უნიკალური სურნელით. ეს სუნამო არა მხოლოდ პარფიუმერიის ხელოვნების შედევრია, არამედ იგი არის მემკვიდრეობა, რომელიც ასახავს ეპოქების ცვლილებას, ისტორიასა და კულტურას. მისი სურნელი აგრძელებს მოგზაურობას დროში, ინარჩუნებს რა თავის ადგილს როგორც ლეგენდარული სუნამო, რომელიც არასდროს კარგავს თავის მნიშვნელობას.
მადლობას გიხდით, თქვენი ძვირფასი დრო რომ დაუთმეთ ჩემი მოკრძალებული ნაშრომის კითხვას. არ მოგერიდოთ, გამოთქვათ საკუთარი მოსაზრება კომენტარების სახით. ამას აუცილებლად დაგიფასებთ!
მალხაზ ტაბაღუა
პარფიუმერიის ექსპერტი 2004 წლიდან
